富豪車廠為求在SUV市場分一杯羹，故於早前舉行嘅美國底特律車展上展出咗全新XC90車系，以求吸引一眾車迷注意外，更以平治嘅M-Class及寶馬X5為假想敵㖭。
從相片中可以睇到，全新XC90嘅造型與現有V70XC相近，但卻變得更富肌肉感，望落更見吸引外，闊大嘅頭燈組合亦予人有一份炯炯有神之感㗎。
車廂布局方面，XC90除擁有一個甚為寬敞嘅車廂空間外，車內座椅更可覆摺放平，從而令尾廂容量倍增，方便運載較多或較大件嘅行李；而車廂嘅設備配搭亦甚為齊備，中控台上除備有恒溫冷氣、高級音響等等外，軚盤上更設有定速巡航按鍵，使用時亦見方便。
然而，廠方為令新車可應付不同嘅路面環境，故特別為其提供多台引擎作選擇，當中包括有2.9公升直6TwinTurbo引擎、2.5公升直5Turbo引擎等等，馬力輸出分別為272匹及210匹，另外匹配Geartronic自動波箱，從而令新車可有更出色嘅行車表現，有興趣嘅車迷不妨拭目以待喇。