陳司翰（Victor）日前與經理人鍾珍到蓮花宮攝太歲，因為他生肖屬馬，今年犯太歲。
時下年輕人大多都不相信犯太歲的說法，Victor又有甚麼看法呢？他笑說：「其實我一直都唔係好信呢啲嘢，所以我今次去攝太歲，都係想令經理人鍾珍安心啲。嗰日我用咗二百七十蚊攝太歲，之後佢哋畀咗一塊雕咗隻羊嘅玉畀我，另外重有一道符。」
Victor表示於新年期間要錄音，故此不會外出過年。問Victor有甚麼新年願望，他說：「我最希望行運一條龍，事關我年頭、年中同埋年尾都會出唱片，所以都想啲唱片大賣。」
採訪、攝影：李珮洳