董特首民望低已經唔係新聞，雖然佢宣布連任之後民望回升少少，但比起好多地方領導人，佢的民望就完全唔似樣。在老董就快連任的時候，浸大傳理學院學生就搞搞新意思，一個由同學組成的「新公關廣告社」工作坊就搞咗個廣告比賽，主題係《提升特首董建華在失業人士間的聲望》，近一百名主修公關廣告的同學可以組隊參加，贏咗就攞到由公關專業人員協會捐出的一萬蚊現金獎。
要提升特首形象，真係談何容易？林瑞麟搞咗咁耐都搞唔掂，呢班學生哥唔知有乜好計？有讀緊公關廣告三年級的學生話，呢個都係幾高難度的題目，不過相信以同學的創意，應該一定搞得掂嘅！
E-mail：