年紀輕輕的容祖兒原來十分迷信,每年她總會隨母親到車公廟拜神轉運。由於今年農曆新年她要到外地進修,為此她早前特地抽空到車公廟一行,希望馬年事事順利。
英皇組合Twins近期人氣勁升,令身為英皇一姐的容祖兒(Joey)不得不外出進修,充實自己,務求令事業更上一層樓。而Joey在出發前,更特地到沙田車公廟拜神轉風車,寄望馬年有更好的開始。
原來Joey每年大年初一,都習慣跟母親一起到車公廟拜神,Joey解釋說:「每年我都會祈求身體健康,但轉唔轉風車就要睇吓嗰年運程,如果係好運就梗係唔會轉啦!」
提到新年願望,Joey說:「希望屋企人同我都身體健康,開開心心,事業順順利利!」事實上,Joey很希望去旅行散心,真真正正休息一下,以便迎接新工作和挑戰。
此外,Joey表示農曆新年最喜歡吃的賀年食品,莫過於年糕、馬蹄糕和蘿蔔糕,Joey說:「平時農曆新年多數要做嘢,做啲新春節目,如果唔使做嘢,我當然會同屋企人食團年飯,同去嫲嫲度拜年!」談到近年最難忘的新年,Joey說:「係入行後第一個新年,可以同好多人一齊過,好熱鬧。」
採訪:陳儀敏 攝影:陳偉權