每個人都總有一點嗜好，有人鍾意儲玻璃樽、有人見到貝殼就發狂，但係教協會長張文光鍾情嘅，竟然係一般人認為唔多吉利嘅枴杖！
噚日係赤口，八方選擇咗同平日出口成文的張文光拜年，一於挑戰吓大家嘅爆炸力！點知一傾就講到去旅行，佢話自己好想去西藏行吓，但係佢張回鄉證過期之後，一直冇攞番，雖然好想攞，但係又唔想俾人留難。咁不如去同西藏接壤嘅尼泊爾啦！佢又去過，重一如去其他地方咁，買咗支枴杖返嚟！
原來張文光興去到邊，買枴杖買到邊！唔理係尼泊爾、阿拉斯加、新西蘭定荷蘭，佢都會買枴杖返香港儲，得閒攞出嚟揸吓。雖然重係新正頭，但既然噚日係赤口，都百無禁忌笑佢：「名副其實打跛腳都唔憂！」
E-mail：