昨日係馬年第一個賽馬日，八方特意去馬場欣賞比賽，當然也見到唔少熟人，最意外嘅係見到金管局總裁任志剛。任總身為馬主，出現喺馬場好正常，點解八方會咁講？其實，八方係見到任總着中山裝而感意外，因為印象中好似從未見過任總着呢款衫，莫非想新年有新突破？
不過，任總噚日似乎相當高興，滿場飛同老友傾偈，佢太座重威，負責頒發洋紫荊短途錦標賽獎項。
講開又講，八方返到報館後又收到任總每星期嘅專欄文章《觀點》，今次任總又應景地親自雕琢了兩副對聯長文（圖），由三十二句新年寓意吉祥的賀詞編成，相當具創意。八方記得，任總去年只寫咗一副對聯作賀詞，今次一寫寫兩副長文章，看來任總嘅文字修養又進入另一層次。
E-mail：