波鞋街店長訴苦Sam出雙糧，請客到洗衣街利苑晚飯，諗住咁嘅時勢應該好招呼，亦難得有錢可扮豪客，點知感覺麻麻，最後拉隊返麥花臣稻香，還是平民地方好，雖然要等但服務總較親切。
訴苦Sam打邊爐飲酒飲大咗，爆咗最近自己發咗新年財，原來又係靠關刀，呢幾日代理入咗批台灣版「烏粉」，照慣例波鞋街各家族都唔會擺出嚟賣，而留起自己出口或小量門口炒，訴苦Sam早已收到海外買家柯打，暗盤價千五蚊對回收。貴為店長嘅崇高地位，佢當然可留起幾對賺啲下欄喇。
以批發價當幫番公司哽貨，每對不過七百幾，轉一轉手賣畀海外炒家輕易賺足一百個巴仙，加埋雙糧訴苦Sam今年唔止肥仔，重係好意頭開始，祝廣大讀者同佢一樣路路亨通！萬事勝意！
主持人：大食Jack
八卦熱報：