中信泰富老闆榮智健一向有養馬運，以前養過嘅「奔騰」、「活力先生」、「掌門」等都同佢贏過唔少大賽，今年馬年更旺，一開年就旗開得勝。
噚日大年初三賀歲賽，榮少名下匹「奧運精神」一出賽就贏得香港經典一哩賽冠軍，唔單止面子威盡，重勁發新年財。呢場本地一級賽總獎金達八百萬，頭馬分到四百五十六萬，照規例馬主佔七成，有三百一十萬，連埋「奧運精神」前兩場上名所贏得嘅獎金，加加埋埋有近四百萬元！
八方聽聞，榮少買「奧運精神」返嚟都唔使四百萬，即係話，噚日贏呢場，就已經歸本。
（圖）榮少（左五）匹「奧運精神」噚日贏大賽，勁發新年財，榮太（右七）、榮明方（右八）同任志剛夫人（右四）都有份拉頭馬。
E-mail：