近年動作多多嘅福士車廠，除快將推出佢哋嘅旗艦級車系Phaeton外，最近外國又有消息傳出，謂廠方正為旗下嘅Golf車系，研製一款全新嘅中型MPV車，以圖在同類型車市上分一杯羹。
從預想圖中可以睇到，新車嘅車首造型與現有Golf車系相近，望落分外吸引；而車尾開啟幅度甚大嘅尾門，配合車子本身嘅低地台設計，上落行李時亦變得更見方便。
車廂布局方面，雖然該消息並未有關於呢方面嘅詳細資料，但一般相信此車嘅車廂空間，會來得甚為寬敞舒適，另外更會有五座位或七座位型號供選擇，以迎合不同用家需要；引擎亦有多個配搭，當中包括有1.6公升（115匹）及2.0公升（150匹）等型號，務求可給予車迷有更多選擇。