陳慧琳（Kelly）獲中央台邀請，參與年三十晚的《春節晚會》演出，獻唱民謠。Kelly為免在十三億同胞面前失準，特別綵排了一個星期，但跟她一起綵排的舞蹈員為了和Kelly影相，竟愈跳愈埋，阻礙綵排進度。
陳慧琳（Kelly）獲中央電視台邀請，參與年三十晚在深圳世界之窗舉行的中央台直播節目《春節晚會》的演出，Kelly是唯一的香港代表歌手。當晚她雖只是唱一首中國民謠《踏雪尋梅》，但足足為此綵排了一個星期。
由於全國都能透過衞星收看此節目，所以Kelly綵排時特別緊張。Kelly由年廿六（七日）開始，每日都會上深圳綵排。
而和Kelly一起綵排的芭蕾舞舞蹈員，為了親近Kelly和與她影相，原本眾人只是在Kelly身後跳舞，但她們卻愈跳愈前，導演猛叫眾人站後些，但卻不收效，令到導演為之氣結，令綵排時間愈拖愈長。
Kelly說：「我自己都好緊張呢次嘅演出，一嚟唔係唱自己歌，二嚟要對住全中國十三億同胞唱歌，都係第一次，所以我覺得好有意義、好光榮。我本來做咗一件小鳳仙裝，諗住唱歌時配合番新年嘅氣氛，但做出嚟嘅效果唔係咁好，最終冇着，都覺得有少少遺憾，所來先揀咗呢件紅色圓領衫。
「雖然綵排咗咁耐，但正式表演嘅時候都係咪嘴，因為咁大型嘅節目，唔可以有任何差錯。」
而大會更將九號當日的綵排表演錄下，以防年三十當晚出現衞星故障，北京總台仍然可以播帶。Kelly綵排時見到會場的雪人，更加童心大發，上前摸雪人。