農曆年過後，亞Mark重要四處去同班車行大佬拜年，其中梗係唔少得八吓有乜小道消息啦！但講到呢輪至忙，都可以話係奧迪代理喇！事關早前佢哋部A4攞到唔少傳媒大獎，而下個周末周日，佢哋部全新A4Avant旅行車會正式同香港車迷見面，就梗係要做足工夫，唔可以失禮啦！
旅行車一向都俾人視作唔大體，用嚟閒時搬下重型物件為主，代理為免部新款A4Avant會俾人有咁嘅觀感，故早排佢哋重特別替部車重新包裝，務求做到至In入時嘅行政座駕嘛！唔止咁呀，今勻佢哋重以1.8Turbo版打頭陣，事關佢除咗斯文有型實用之餘，性能亦見出眾。有興趣嘅朋友，不妨屆時去睇睇喇。