李克勤的一連六場「位元堂李克勤情情塔塔演唱會」昨晚在紅館揭開序幕，由於昨晚年初二有煙花滙演，所以演唱會延遲至晚上九時三十分才舉行。
克勤為了準備今次個唱，早前進行密集式綵排，並將頭髮染色，而總綵排亦於前日完成，克勤足足唱了四十多首歌，用了三個幾鐘頭才完成。
不過克勤最高興是得到劉德華到場支持，克勤說：「華仔已經係第二次嚟睇，佢畀咗唔少意見。佢非常有心，重贊助我喺紅館放煙花，呢種煙花喺紅館首次出現。」
克勤的個唱還會送大禮，他笑說：「我哋會送每一位入場觀眾一支『神棍』，可以用嚟玩人浪，又會每人送兩支名牌香水同位元堂贈券，都用咗十幾萬㗎。新正頭，最緊要大家開心，就算要我扣歌酬都要送。」