單身議員中，蔡素玉出名恨嫁，佢噚日就偷偷地話畀八方知，今年佢第一次喺屋企插桃花，唔知係咪想行吓桃花運。佢又聲明，支花係蔡氏宗親會送畀佢嘅，唔係自己買。
至於情人節點過？咪對住啲文件囉，蔡素玉重一臉嬌嗔咁話當啲文件做情人，真係慘。
不過，大家唔好以為蔡小姐冇人約，佢話本來有一位國內男性普通朋友約佢今晚食飯，但因為小姐覺得情人節晚上唔可以輕易同人出街，以免被人誤會，所以推咗，實行畀檸檬位同胞食；各位男士下次想約蔡小姐，切記避開特別日子。
（圖）蔡素玉話今個情人節要當啲文件係情人。
E-mail：