今日係大年初三亦係赤口，唔使拜年最好留番喺屋企。適逢農曆新年首次賽馬日在今日進行，想發個新年財但又苦無心水的話，不妨留意以下為大家介紹各種增進財運的貼士，話唔定會有意外收穫，發番個新年財！
記者：宋國榮
部分攝影：陳智良、阿歷斯
Model：Betty（Stareasy）
鳴謝：天同館鐵板神數侯天同先生（23112333）
今日年初三為癸丑日，財神會在正南方，另外次吉的方向則為東面，想要增進是日財運，就需在一大清早起牀之後，向南方吸氣約十分鐘。假若屋企的環境不許可，亦可落街選擇合適地方，同樣向南方吸氣10分鐘，即能吸收財氣，亦可當做晨運抖擻精神，頭腦更清醒賭博時便容易得心應手。
今日當運的數字為2和7號，因此所有牽涉這兩個數字的東西都可增進財運。買馬方面就不妨用盡2號和7號，即是2、7號馬固然是必買之選，其次為12號。另外排在2、7、12檔的馬匹亦可一試，如果該場2號或7號馬剛好排在2或7檔，那就必屬馬膽無疑，勝出機會更大大增高。此外入馬場投注時，最好盡量揀2或7號的櫃位下注，咁就旺上加旺！
正如剛才所說，今日財神在南方，所以買馬時便要選擇位於南方或門向南方的投注站。以九龍區為例，最好搵位處南方的地區如尖沙嘴、紅磡等；而香港區則應到南灣、淺水灣等地區。反而新界區本身位處北方，解決方法可選門向南面的投注站，即是由投注站望出街那方為南面的投注站，同樣可增加勝算。
正如剛才所說，今日財神在南方，所以買馬時便要選擇位於南方或門向南方的投注站。以九龍區為例，最好搵位處南方的地區如尖沙嘴、紅磡等；而香港區則應到南灣、淺水灣等地區。反而新界區本身位處北方，解決方法可選門向南面的投注站，即是由投注站望出街那方為南面的投注站，同樣可增加勝算。
今日當旺顏色為紅、橙和紫，所以下注時記住留意心水馬匹騎師的綵衣，如果脗合上述顏色，勝出機會亦能提高。另外自己選着入場衣服同樣要注意，盡量揀紅、橙及紫這三種顏色，甚至可叫陪你入場的朋友同樣穿着，咁就包無走雞！
人的名字各有不同，年初三今日就特別旺姓氏為許、丁、馬等的朋友，而名字用上火、心等部的字亦非常當旺，如果名字內加上當旺姓氏的字便更好。例如「寧」字內就集齊心、丁兩部，一個旺名字，一個旺姓氏，假如閣下叫做「許仃寧」就絕對Perfect！
大家想今日入馬場的話，最好選擇一個夾啱生肖的Partner拍住入場。以下就教大家應該同邊個生肖的Partner入場，又或者唔應該同邊種生肖的朋友入場。睇完快啲急Call啱你的朋友陪你搏殺啦！
二人組合
合適伴侶：
鼠－牛
虎－豬
兔－狗
龍－雞
蛇－猴
馬－羊
不合適伴侶：
鼠－馬
牛－羊
虎－猴
兔－雞
龍－狗
蛇－豬
三人組合
以下三種生肖最好一齊去
鼠、龍、猴
虎、馬、狗
兔、羊、豬
蛇、雞、牛
馬年新正頭，年初四(2月15日)會有六合彩攪珠，當日較旺0、5字尾號碼，其中特別可買重30及35號，中獎機會較高。另外當日會利東北面、西南面或門向以上方向的投注站，要留意的是中環區的投注站特別當旺，大家不妨到那兒碰碰運氣。
新年期間好多朋友都會相聚拜年，順道攻打四方城。雖然賭注未必大，但個個都希望贏番啲錢攞個財運意頭。想有收穫的話就要記緊幾大注意事項：包括穿着紅、橙、紫的衣服，可以的話盡量揀向南的方位坐，最後叫胡時亦最好叫2、7的牌，例如二筒、七萬等，咁勝算亦會變得較高。