「媽咪話以虛齡計算，一到農曆新年就大一歲，所以𠵱家我已經十歲喇。我嘅新年願望係身體啲疤痕全部冇晒，可以早啲返鄉下返學讀書。」由內地來港接受燙傷治療的陳珊微笑道。
陳珊原籍廣東河源市和平縣，早年遭滾水嚴重燙傷，以致臀部、右腿及左手肘經常潰爛含膿，更出現嚴重的疤痕增生，飽受痛楚。然而珊珊雙親靠務農維生，家境清貧，實無力讓女兒接受適當治療，早前遂帶小妮子千里迢迢來港求醫。
在本報讀者合共逾十九萬元捐助下，珊珊已於月前接受手術，切除左手肘及臀部的疤痕，康復進展理想，現正接受職業治療。珊母娓娓道來：「𠵱家珊珊每日都着住件壓力衣，防止肉芽生長，另外日日食維他命同補血丸，等身體有營養，可以盡快做第二次手術，將右腳啲厚疤除埋，到時珊珊就唔使繼續忍受燙傷疤痕嘅痛苦。」
由於珊珊及其父母均非香港居民，不能享用本港醫療福利，因此仍有賴善長繼續慷慨捐助。「希望大家幫忙，令我哋夠錢畀珊珊接受第二次植皮手術同醫藥費，筆錢加埋相信要十幾萬，我同珊珊爸爸真係一世都籌唔到咁大筆錢。」珊母由衷地呼籲。
捐款編號：C0246
暖流熱線
電話：29908688
傳真：23702192
電郵：
網址：