張東健和現年二十三歲的朴正熙兩位韓星，原來對農曆新年亦十分重視，日前本報便邀得二人寫揮春和示範做韓式年糕湯，與大家共賀佳節。
憑電影《朋友》走紅的韓國男星張東健，月前來港期間接受本報專訪，還親自示範寫揮春。
原來，韓國人對農曆新年亦十分重視，張東健興致勃勃地以韓語說：「我哋韓國人每年最重視嘅節日係農曆新年同中秋。每次新年我會同爸爸媽媽拜年同食韓式年糕湯。」
此外，本報特別請來曾為黎明拍MV的韓國女歌手朴正熙，親手示範做韓式年糕湯，讓大家認識韓國的賀年習俗。雖然她年紀小小，但卻出得廳堂，入得廚房。
日前朴正熙在友人家中，與一位朋友齊齊做年糕湯。看朴正熙操刀切年糕和葱時，絕無雞手鴨腳，她還得戚地以韓語說：「平時我喺屋企都會整吓嘢食，跟媽咪學得多，手勢一定唔差。」
朴正熙完成年糕湯後，分別請多位朋友品嘗，大家都讚不絕口。問到她知否香港人的過年習俗時，朴正熙笑說：「我聽人講佢哋都會食年糕，同埋與屋企人聚首一堂，其實喺韓國都係差唔多。」
那麼韓國又會否有長輩派利是的習俗？朴正熙說：「冇㗎，如果有利是𢭃會好開心，有機會嘅話我都想試吓𢭃利是呀！」
1.首先將韓式年糕切片，新鮮葱洗淨切碎；
2.煲滾清水後，將鹽、糖及胡椒粉等調味料放入滾水中；
3.將年糕和葱一同放入煲內；
4.數粒蒜頭拍碎，然後放入煲內；
5.等五至六分鐘，再加入蛋花便成。
採訪：陳儀敏
攝影：仇志德、黃文成