一頓燭光晚餐，一枚鑽石戒指，都不及收到一張情人卡令何超瓊來得感動。儘管今年何超瓊感情落空，情人節跟家人度過，但她仍然有心情去買情人卡，當是對愛情的另一種精神寄託。
今日年初三，適逢是情人節，對於已經與前夫許晉亨離婚、又與楊其龍分了手的何超瓊（Pansy）來說，有何意義呢？Pansy日前接受訪問時說：「我都記唔起從邊年開始，我已經唔再在乎情人節。重視情人節感覺嘅嗰段時間，似乎已離我好遠好遠，應該係小時候拍拖嘅日子，先會花心思去籌備情人節嘅節目。」
Pansy續說：「你話我唔夠浪漫咩？我又鍾意寫卡，每一年無論有冇情人，我都會去揀合心水嘅情人卡，買嚟收藏。𠵱家有五十幾張，我欣賞情人卡裏面嗰啲精簡而令人心動嘅字句，反而寫得長篇大論嘅，我冇興趣。」
原來Pansy選擇情人卡的品味，跟她做訪問的態度一樣，給你的都不是詳盡的答案，說得簡短，乾脆利落。問Pansy哪一張卡的字句令她最感動，她說記不起！但論收到最愛的情人卡，送給她的卻是一個女性，時間是她一年前失戀的時候。她說：「嗰張卡係個女朋友送畀我，卡上寫住『未搵到情人唔緊要，因為重有我』。而張卡嘅圖案係一排女仔嘅睡衣掛起晾曬，意思即係個女仔得閒到去曬衫。我覺得嗰張卡好sweet，好特別。由此證明人嘅情感，不只限於男女之情。」
Pansy說沒有難忘的情人節，但甜酸苦辣她在過去的情人節都嘗過。她說：「因為每一年情人節點樣過，都視乎嗰段感情發展到邊個階段，感覺永遠都唔係可以掌握之內嘅。雖然當中甜酸苦辣都有，不過起碼𠵱家回憶起，感覺都係甜蜜嘅多。」
採訪：盧雪琪 攝影：林德雄