今年情人節撞正農曆初三赤口日子，阿媽話有街都唔准去，費事同人嘈。就算屋企唔迷信，可能要掉番轉頭去拜年（或者要等親朋戚友嚟拜年），想見女友一面就更難上加難。其實家陣互聯網咁發達，何不好好利用？今日就教大家三大煞食招數，隔空向女朋友傳達你嘅愛意。
記者、攝影：徐影龍
ImageGirl：Vicky
要表心意，當然唔少得一張親手設計嘅情人卡，雖然隨Windows附設嘅《小畫家》已可達到要求，不過功能實在有限，想玩下效果的話，可上網下載《PhotoImpact》等易用程式，又或利用掃描器附送嘅《PhotoShopLE》，都可輕鬆自製心意卡。
定好尺寸及相片後，當然係加入冧人嘅句子啦！不過最好花啲心思，用較特別嘅字款同顏色，若想句子較搶眼，可複製多一句唔同顏色嘅句子，放在底下，便可突出句子。最後將佢儲存為相片格式，再經E-mail發出，就係一張心意e-Card。
如果有機會見面，重可以將心意卡列印出嚟，基本上市面一般打印機都有唔錯效果，但紙張最好選用相片級打印紙，若屬對摺式設計，可選擇市面一種雙面PhotoPaper，不過雙面列印最難係對齊位，設計時邊位尺寸預多一點，必要時就可靠裁剪就位。
想對方回味共處嘅歡樂時光，建立一個相片網頁亦係好辦法之一。其實自WindowsMe開始，已經免費附有《FrontPageExpress》，讓用家輕鬆製作簡單網頁，若未安裝的話，可在「控制台」→「新增?移除程式」→「新增?移除Windows元件」重裝便可。
嫌複雜或對網頁製作唔多熟悉嘅用家，可考慮用《ACDSee4.0》，雖然係一款圖像觀賞軟件，不過當中設有HTML格式轉換功能，能將大量相片即時變換為一般網頁格式，用家只需將相片路徑修改，便可整個Folder傳至網頁空間，供朋友欣賞。新版本亦加強HTML轉換功能，可隨意設定相片尺寸、背景及文字顏色等。
另一選擇則更為簡單，就係將相片上傳至各式個人相片網站，如EPSONPhotoStation，不但可分門別類建立個人相簿，而且介面美觀、速度亦令人滿意。
PhotoStation網址：
《ACDSee4.0》下載網址：
要足不出戶送花畀心儀對象，除咗打電話落Order之外，最好就梗係網上訂喇，因為一來可以睇齊晒有咩花款，兼有實物相片畀你睇，慢慢揀啱先訂都未遲。
《花花店》設有多款情人節花束，每款鮮花都設有相片及詳細資料，亦附有各式毛公仔及禮物供擇選。賣價方面不算特別吸引，基本上一打12支玫瑰約收$680，連埋即日送貨服務，叫價亦算公道。訂講前需先登記為會員，不過就毋須預先填入信用卡資料。
花花店網址：
查詢電話：25648700