何韻詩前晚帶同雙親、契姐和哥哥，在跑馬地的喜慶坊吃團年飯。何韻詩的父母更專程從加拿大回港陪女兒過年。
何韻詩一家五口前晚吃團年飯，見到記者拍照，眾人即彈開閃避。何韻詩說：「爸媽咁啱喺加拿大返嚟過年，我哋咪一齊食團年飯。我好鍾意過年，因為有利是𢭃，但今年我要開工。」
對於女兒何韻詩跟容祖兒（Joey）的緋聞，何韻詩的爸爸可有向她查問，她說：「得啦，佢唔理我，佢冇睇到呢段報道。阿爸亦冇催婚，我嘅事業先剛剛開始，一啲都唔心急，我都冇情人，我今年嘅情人節會喺工作中度過。」何韻詩可有聯絡正身在英國進修的Joey？她先是詐聽不見，然後才笑說：「佢把聲有事，點可以講電話。」
採訪：甘比
攝影：何國豪