郭羨妮（Sonija）在蛇年緋聞多多，但她卻揚言緋聞全屬假桃花，只望踏入馬年後，能有真桃花出現。
Sonija對應付緋聞經驗十足，她還笑說有兩大招數可以破解緋聞，她說：「我覺得要講真心話，如果明明係嘅嘢，你話唔係，遲早都會俾人知，到時重肉酸啦。我覺得係嘅嘢一定要認，唔好唔答，唔答只會令到人哋心裏面有疑團。」
除了講真心話外，Sonija認為掩起一雙耳朵，也是一個好辦法。她笑說：「基本上唔好理報章雜誌寫啲乜，就算有人講嘢畀你聽，聽咗都冇需要影響自己，謠言止於智者。況且諗深一層，何必介意人哋講乜吖，做呢行冇人講你至擔心呀。」
採訪：朱芷瑩
攝影：黃文成
服裝提供：Seibu