汪明荃、廖安麗、黎瑞恩（小恩子）及Twins等，前晚在無綫電視城出席賀歲節目《闔家喜慶迎駿馬》，Twins成員蔡卓妍和鍾欣桐齊齊穿上唐裝衫亮相，十分應節。
前晚Twins更首次在電視城向工作人員及演員大派利是，令二人過足派利是癮。事後問到兩人首次派利是有何感覺時，蔡卓妍說：「我哋封畀工作人員嘅係現金，其實派利是只係少少嘅心意，啲工作人員成日照顧我哋！畀佢哋都好應該。」
而小恩子則笑言前晚食團年飯認真忙碌，一連走兩場。她說：「我先返自己屋企食飯，之後又再去男朋友屋企團年。預計今年新年假期都會每日走幾場，去𢭃利是搵真銀。」
此外，前晚節目進行期間，扮演財神爺的胡楓及盧海鵬聯同梁思浩，在觀眾席上大派利是時，有觀眾因爭相搶奪而不慎跌倒。
採訪：卓寶花
攝影：陳慧安