屬馬者今年是本命年坐太歲，傳云：「太歲當頭坐，無喜必有禍」。除馬之外，今年犯太歲的生肖還有鼠，阿董屬牛應該冇乜事，但唔講大家可能唔覺，阿董競選辦兩隻馬──梁振英同路祥安，都係屬馬。
梁振英同路公公外表看來南轅北轍，一個高調一個低調。原來兩人除了挺董之外，還有另一個共同點，就是同於一九五四年出生，今年四十八歲。
路公公幫完阿董之後唔再返政府，重返東方海外；點都好，阿董實照住呢位忠心耿耿的下屬。振英哥是第三屆特首人選之一，看來還有意於官場大展拳腳，但今年睇怕都要收斂一下鋒芒，因為話犯太歲身體可能會出問題，事業和感情會有阻滯，最好外遊避邪。
特區三司中，要算屬兔的梁愛詩運程最佳，吉星拱照，運程稱心，可能和詩姐就快甩難有關。屬猴的煲呔曾今年「驛馬」星動，是代表變動之象，如出外、調遷等意，部長制少不了他一份，有變動一點也不出奇。屬龍的阿松今年喜憂參半，在事業上奔波與操勞，是艱辛的一年，主要問題是人事複雜是非多。
E-mail：