經濟唔好，有政黨做民意調查，話市民封利是會縮水。其實呢樣嘢攞個意頭啫，千祈咪令到啲小朋友咁勢利咁市儈。
唔講個「餡」，不如講吓利是封。八方每年都收到各方友好送來利是封，今年比較有創意嘅，有港台嘅《議事論事》。港台將六十個議員嘅漫畫像印晒上去，大字係「一團和氣」。八方覺得，如果佢哋真係和氣，呢個專欄唔慌有嘢寫，《議事論事》亦一定唔好睇。
除咗港台，馬會隻「金馬」亦好靚，不過冇「自動黏貼」，收利是者方便，但入嗰個就好煩。至於紙質最靚之利是封，有時代廣場嘅「馬到功成」；最有藝術感者，係海港城嘅藝術馬字（出自陳子慧手筆）；九倉都幾捨得落本。
（圖）睇吓港台利是封幾有創意（左），而時代廣場嘅就紙質最好（右）。
E-mail：