我要高飛！
陳冠希姊蛇女馬年闖猴穴

陳冠希胞姊陳見飛（Tricia）馬年勇闖娛圈，肖蛇的她稍後正式加盟英皇，無懼與一眾肖猴藝人爭寵。Tricia馬年願望是想觀眾可以認識了解她，不再只喚她是誰的姊姊、女兒，而是一口可叫出她的名字！

陳冠希（Edison）胞姊陳見飛（Tricia），馬年開始正式向娛樂圈進發，她破釜沉舟地辭去薪優穩定的銀行工作。Tricia亦預計生活將會有一百八十度大轉變，所以她早前乘着假期，到香港春季嘉年華玩半天鬆一鬆。
Tricia說：「以前返工坐定定、歎冷氣寫建議書，但係𠵱家接觸嘅嘢好新鮮，可以話係unknown嘅，我覺得好有挑戰性，所以我會擺晒所有時間心機去做，希望能有一番成績。」

練歌習舞學國語
為了準備入娛樂圈，Tricia部署多時，她一年前開始節食及做瑜伽，減去十多磅，近月每星期練歌兩次、跟張柏芝跳舞老師Sunny學跳hiphop和jazz，稍後更會進修國語。
馬年伊始，Tricia已經接了一個大job，便是有機會與八達通卡合作。Tricia更為自己定下第一年的目標，她說：「我希望首先有人喺街叫得出我叫Tricia、陳見飛，再唔係陳冠希家姐，我唔想黐住Edison，亦唔會同佢比較，第一年更加唔會同佢合唱，之後希望趕得切夏天出一張碟。將來嘅嘢我冇定目標㗎，梗係愈紅愈好啦！」

生肖無礙展拳腳
而眾所周知，英皇老闆楊受成最愛招攬屬猴的歌手，但Tricia生肖屬蛇，怕不怕在英皇的發展會有影響呢？Tricia對此說：「雖然Edison同容祖兒都係屬猴，但係我覺得屬乜根本唔係最重要，最緊要做好自己，人哋就肯畀機會你。我之前都唱過歌、跳過舞畀楊生睇，佢覺得OK先會簽我，所以我一啲都唔擔心！」

偕父東京玩一番
馬年新春，陳冠希赴美進修，大家姊Olivia往加拿大陪媽咪，陳見飛則負責陪伴爸爸，新年將赴日本東京玩幾天。
陳見飛說：「其實過年前辭工好多嘢忙，個人好攰，想留喺香港過，而且東京嘅消費又貴，不過爹哋鍾意咪陪佢去玩囉。而且將來入咗娛樂圈，啲時間好難就，所以咪把握機會陪吓屋企人囉！」
採訪：DebbieLum
攝影：LoTakKwong
服裝：源
髮型：RickyKwokfromPrivatei
化妝：AliceSofromOrientColor
鳴謝：香港春季嘉年華