阿董昨日行花市，有「契媽」之稱嘅民政事務總署署長李麗娟放大假，所以要由署理署長呂孝端頂上。呂署長同八方講，佢陪港督行花市大大話話有成二十年經驗，真係駕輕就熟。佢重同八方講，最難忘係當年佢同尤德行花市，尤德一落車就「叉錯腳」落坑渠，好彩阿呂署長拉住佢，先至冇出現「港督跌落坑渠」！呂署長笑笑口話當時冇記者影到相，所以冇人知。八方心諗，換着係今日傳媒競爭咁激烈，莫講話跌落坑渠，就算跌條頭髮都逃不過記者耳目。
（圖）呂孝端（右三）今年陪阿董伉儷行花市，但佢最難忘係當年同尤德行花市。
E-mail：