陳昭昭前晚年廿九往旺角花墟選購賀年鮮花，前年她曾被《壹週刊》指她與律師夏啟昌熱戀，兩人還在街頭熱吻。日前夏啟昌涉嫌偷取客戶四十萬元款項，被警方落案起訴盜竊罪，對此昭昭坦言與對方已近半年沒有聯絡，她說：「等件事平息咗先去問候佢。」
問昭昭為何與夏啟昌劃清界線時，她說：「我根本冇承認同佢拍拖，大家只係好朋友，至於點解突然同佢冇再聯絡，因為佢始終係有家室嘅人，唔係太方便。」昭昭表示得悉夏啟昌已經保釋，但問她為何如此了解緋聞男友的情況時，昭昭立即說：「我都係同你哋一樣睇報紙咪知囉。」
此外，昭昭透露年初三會往深圳登台，而酬勞亦有五位數字。談及新年願望，她興奮地說：「希望讀緊嘅工商管理考試及格，同埋喺新一年有拖拍。」她更撒嬌地說：「其實𠵱家都有追求者，不過可能佢哋俾我啲負面新聞同埋性感形象嚇親，所以都唔係太熱烈。」採訪、攝影：馮美茵