明日就係新年，預祝各位讀者心想事成。今年係馬年，馬係香港人最喜愛嘅動物之一。八方最近睇馬會寄來之漫畫《小駿事件簿（一）之樂在雙魚河》，有一啲有趣資料，可以趁馬年將至同各位馬迷非馬迷分享。
馬原來幾大食，一日要食三十幾磅食物，包括草、燕麥、玉米片、麥糠；要飲二十五公升水，係人嘅十倍；馬最怕熱；馬可以企喺度瞓，不過佢覺環境安全時，一樣會瞓低搵周公；馬都會發燒同咳；馬發嬲時，雙耳會向後平放，開心時就豎起。
重有，馬眼生在頭兩邊，視野好闊，除咗正後方同好近嘅正前方係盲點，馬可以睇晒三百五十度範圍嘅嘢。有人話做記者要「鐵腳馬眼神仙肚」，就係要睇得闊咁解。
（圖）馬會反傳統揮春，喺佢哋個年宵攤位幫襯買紀念品就有得送。
E-mail：