無綫處境喜劇《皆大歡喜》自播出後，收視不俗。年近歲晚，身為「洞蜜園」當家的薛家燕，日前率領眾演員包括梅小惠、趙學而、陳彥行、林文龍、阮兆祥、謝天華及鄧兆尊等，趁午飯時間，在電視城提早賀團年。
家燕姐為了這餐團年飯，亦費盡不少心思，雖然只點了八餸一湯一糖水，但每一樣餸菜亦要以應節為主。她說：「好似魚咁，要年年有餘。炸子雞就代表飛黃騰達，咁燒味拼盤重好，鴻運當頭。總之樣樣餸都一定要諗得出好意頭，我哋先至會叫。」梅小惠亦大爆家燕姐十分迷信，她笑說：「呢啲都未算呀！條魚同炸子雞，家燕姐話唔可以食頭同尾，一定要留番，代表好頭好尾咁話。」
採訪：王崇穎 攝影：羅德光