上禮拜，恒指5日之內總共唔見172點，長實（001）則散4.25元，9RSI得番20.77，和黃（013）亦散3.75元，9RSI得番23.81，兩者都超賣。
長實同和黃冇乜重大不利消息，咁跌法，好快升番上去，至少都會有技術性反彈。兩公司嘅Call輪，博得過。
長實Call輪主角係9063，現價52仙，8月到期，溢價11%，槓桿率13.4倍。和黃Call輪主角係9050，同類輪中，呢件成交最勁，8月到期，現價56仙，溢價13.6%，槓桿率12倍。
正股反彈1.5至2元，唔係奢望。正股有咁嘅升幅，兩隻輪即刻可以升2成，打孖買少少發新年財可也。
上禮拜五恒指升109點，新地（016）逆市跌1.25元。
4隻新地Call輪，跌幅由10.3%至13.4仙。
新地做60.75元，60元係支持位，唔易破，借美股止跌回升，新地可以升番上63至64元嗰頭，執番件新地Call輪，過年開支有着落。
正路對象係9115，現價53仙，8月到期，溢價11.2%，槓桿率11.5倍。