容祖兒上周一離港赴英進修，現正在倫敦修讀樂理課程。祖兒雖然未能在港度歲，但她日前仍偕母到當地一餐廳，大擦西餐如田螺和龍蝦等慶祝團年。
容祖兒（Joey）上周一晚在逾百歌迷護送下，偕母離港赴英，Joey現正在倫敦一間酒店下榻，並在當地修讀一個為期兩個半星期的樂理短期課程。雖然Joey因為出洋練兵未能在港過年，但日前她仍與容媽媽於當地一間餐廳內，提早食西餐作為今天年三十晚的團年飯。
為慶祝年三十晚吃團年飯這個中國人的傳統大節，Joey當日點菜亦大魚大肉，包括有芝士焗龍蝦、龍脷魚、田螺及忌廉湯等，而容媽媽更送了兩包瓜子給愛女作為新年禮物。
Joey日前透過長途電話，接受記者訪問時笑說：「今年我唔可以喺香港感受過年嘅氣氛，但我都有同媽咪食餐勁嘅，就當係食團年飯。我覺得中國人一定要食團年飯，寓意年年喺埋一齊，我希望世界上嘅每個華人，都可以開開心心咁過年。」
赴英一周以來，Joey透露已逐漸適應當地生活，她說：「除咗返學之外，我都有四圍行。我最鍾意睇fashionshows，學吓人哋點着衫吖嘛。」Joey在接受訪問期間，其聲沙情況比前好轉，Joey說：「醫生話我嘅聲沙情況唔嚴重，只係喉嚨有繭，只要畀把聲唞下，個繭就會慢慢散，所以我連媽咪畀我嘅瓜子都唔敢食太多，驚熱氣呀。」
Joey於個多星期後，便完成英國的短期課程，之後續往日本修讀舞蹈班。
採訪：朱芷瑩