昨日年廿九，人人忙住辦年貨過年之際，都重有一班人好有愛心，其中包括咗飛哥。八方昨日下午去到葵芳新都會廣場，一個由浸大學生搞嘅智障兒童繪畫比賽頒獎禮，飛哥抽空做嘉賓。
原來佢呢日好唔得閒，因為約咗家人食團年飯，但佢話即使𠵱家香港經濟環境唔係咁好，都要多啲關心弱勢社群，所以就算幾唔得閒，佢都要應浸大的邀請出席。
講到今年的團年飯，飛哥要食兩日，年廿九出街食，年卅晚就在家享用晚飯，因為太多親戚朋友一日「團」唔晒，但飛哥兩公婆就俾仔女飛起，因為新婚女兒和夫婿去了泰國玩，在美國的大仔雖然攞咗新年假，亦自己走去潛水。飛哥仔大女大，亦係時候鬆口氣，過吓二人世界。
﹙圖﹚飛哥頒獎予智障兒童，指他們也可貢獻社會，叫大家唔好歧視他們。
E-mail：