話出又唔出，早排日本方面傳來消息，話豐田車廠有計劃替部Echo添加Turbo新版，及後又傳來消息話廠方臨時取消咗呢項計劃，搞到唔少車迷感到失望。
之不過，最近又有新消息傳出，話廠方計劃有變，Echo嘅歐洲版Yaris會經由豐田歐洲分部嘅TTE，研製全新YarisTurbo小跑車型號，除全車加有大包圍外，懸掛及制動系統亦會有所改良；最重要係台偈會用上一台1.5公升直4DOHC引擎，再加配Turbo增壓器，輸出會跳升至150匹馬力同21.0kgm扭力輸出咁多㗎！相信廠方喺繼Yaris穩企歐洲迷你車市場後，試圖拓展高性能小車嘅試金石，大有直迫標緻206GTi、雷諾ClioSport同福士PoloGTi之勢㖭！或許呢部小辣椒，日後有機會到港都唔定㗎！