在《天下無雙》、《嫁個有錢人》和《嚦咕嚦咕新年財》三部港產賀歲片中，暫時以《天》片票房最弱，但王菲前日在廣州出席記者會時，卻不以為然地說：「我唔信票房數字！」
莫非王菲言下之意是指有人篤數？王菲對此直認不諱說：「成日都有㗎啦，我只係對寫出嚟嘅嘢冇信心啫！」
為了《天》片宣傳，王菲將要忙至年初八，就只有今日和明日年初一，她可以稍作休息，與女兒竇靖童一起在北京過年。
記者問竇靖童是否有機會跟父親竇唯見面時，王菲頗大反應說：「我從來都冇唔畀佢見！」王菲表示，竇靖童平日要返學，父女少見面實在沒辦法，但竇靖童一放假，已盡量抽時間返北京。
此外，相士蘇民峰預測《天》片票房不敵其餘兩部港產片，但梁朝偉卻說：「冇所謂，唔可能改過個名就收六千萬，如果係咁嘅話，搵人改個好名咪得囉！」