後日便是大年初一，女士們拜年均想以最佳狀態示人，本報日前特別找來容祖兒的御用髮型師Boffy，與名模陳小韻一起示範最in髮型，Boffy更特別推介金、啡髮色。
容祖兒的御用髮型師Boffy，日前與陳曜旻女兒、名模陳小韻，在他位於中環的髮型屋CHIN.G內，示範兩款別出心裁的賀年髮型，並特別為陳小韻染上今年最流行的金髮，讓眾女士在農曆年間往拜年時作參考用。
Boffy設計的兩個髮型都以紮辮為主，他說：「因為過年係中國大節日，紮辮可以突出中國民族特色。而過年重有個習俗，就係唔洗得頭，所以紮辮都有幫助。加上紮辮比較簡單，一般女仔喺屋企自己都紮得。」
Boffy更表示今年會流行金及啡的髮色，他說：「今年唔興又紅又紫咁，太誇張，今年興真實啲嘅顏色，好似金色呀，啡色呀咁，而頭髮嘅顏色，睇上嚟亦有番啲層次感。」
此外，陳小韻表示明日年三十晚一定會到維園行花市，感受吓過年氣氛，她說：「前幾年新年我都唔喺香港，所以趁今年我會去維園行花市睇吓。」
採訪：汪正文
攝影：陳慧安
髮型：BoffyCheung
化妝：Andy
服裝提供：SistyrMoon