按中國傳統習俗，新年前一家人會齊集吃團年飯，而外表洋化、思想傳統的王敏德，日前與太太馬詩慧及三名子女，到灣仔的金紫荊粵菜提早吃團年飯。這個圈中模範家庭，更趁機暢談一家幸福的相處之道。
今年五月，王敏德（Michael）與馬詩慧（Janet）便結婚滿十周年，在這段幸福婚姻中，二人先後製造了三個愛情結晶品，分別是九歲的長女王曼喜（Kayla）、六歲的次女王麗嘉（Irisa）和兩歲的幼子王躍穎（Kadin）。一家五口的健康、開心形象，絕對稱得上是娛樂圈中的模範家庭。
Michael日前與家人到灣仔金紫荊粵菜吃團年飯，面對滿桌的豐富佳餚，一家人圍攏在一起，吃得分外津津有味。Michael急不及待試吃雞絲翅。他說：「呢味係我最鍾意食嘅嘢，我可以自己一個食晒。」但Michael試吃後，不忘夾美食給身邊的Janet，此情此景，真的有如新郎和新娘互餵對方吃東西，感覺十分浪漫。
談到夫婦相處之道，Michael說：「我好重視同大家溝通，遇到有乜嘢問題，一定一家人商量。基本上，我自己冇乜嘢秘密，唔會收埋啲乜嘢唔同太太講。
「我有一個信念，無論發生啲乜嘢，我一定唔會放棄呢個咁好嘅家庭。我成日諗將來幾時可以榮升做外公，等囡囡長大，好似我哋咁生下一代，而我又可以睇住啲孫仔同孫女長大，一代接一代咁傳落去，真係好開心㗎。」
但矛盾地，Michael卻又不想讓女兒太早出嫁，他說：「唔使咁快，我諗自己會活到六十五歲，一定有機會同啲孫玩，我𠵱家身體重好健康。」
Michael自言與太太Janet唯一的分歧，就是對子女的施教方式，他說：「我份人性格好relax，我覺得自己生命嘅要求係享受生活同玩樂。每個人永遠預計唔到佢下一分下一秒會發生乜嘢事，既然係咁，做人何必咁多投訴？咁會浪費好多時間，嘥咁多呢啲時間，邊有時間去玩樂？」
而提到今年的新年願望時，Michael說：「我希望中三T，Kayla成績好啲，Irisa快啲生番隻門牙，而Janet可以同我生多個仔仔。我其實好鍾意大家庭，可以嘅話，我最想可以有十個仔女，咁可以組織一隊球隊。」
風生水起（三文魚魚生沙律）
發財好巿（髮菜蠔豉柱甫）
萬事如意（脆皮百花榆耳卷）
普天同慶（紅燒竹笙雞絲翅）
金銀滿屋（金銀海星斑）
金雞報喜（金牌蒜香吊燒雞）
珍珠滿盤（生炒臘味糯米飯）
龍皇賀歲（海鮮炆伊麵）
鴻福齊天（圓肉紅棗茶）
吉星拱照（精美點心）
＄3,880（另收加一）
＊一席供十二位用