工業家蔣震三女蔣麗萍跟隨國畫老師陳其旋學畫一年，去年底初露功架，在陳老師畫展中展出作品。新春將至，她決定以自己作品粉飾家居，讓家人感受一室書香。
蔣麗萍透露最初學畫，一周上兩小時課，不足一年已略見成績，遂開始把作品送予家人，她開心地說：「我自己畫完就送畀家姐同細妹，佢哋就裱啲畫喺大廳，我自己睇到都好有成就感。舊年爹哋生日，我見佢乜都有，咪寫一個四呎高嘅『壽』字送畀佢，佢不知幾開心！」
今年，蔣麗萍決定學寫「福」字揮春，她說：「其實福字揮春周圍都買到，不過自己寫就特別有意思，一個福字，楷書、草書、隸書嘅寫法都完全唔同，要寫得流暢自然，就一定要練習。」她跟老師上課後，回家就轉教家中次子，培養母子感情，又可當溫習，一舉兩得。
採訪：DebbieLum 攝影：EdwardChou、MatthewLam
場地提供：陳其旋工作室