今日行程好鬼緊湊，NBA亞洲公司專程安排我哋一班亞洲傳媒晨早跟住「中國國寶」王治郅暢遊費城，雖然小記重係半夢半醒，但難得「大郅」做導遊，就算唔瞓都要捧場啦！我哋第一站係去費城藝術博物館。
之後小記攞出帶來嘅龍馬精神揮春，想「大郅」同大家拜個早年，點知佢玩幾玩後竟然問我可唔可以送張揮春畀佢，既然「郅哥」開金口話要，又見佢同我簽名，當然冇問題啦！
下午去咗明星賽記者會，睇見班NBA球星幾乎個個都有中國字紋身，小記當然把握機會發揚一吓中國傳統文化，攞揮春同佢哋影靚相。黃蜂後衞白朗戴維斯就最好奇，竟然攞住揮春逐個字問我點解，真過癮。
圖?文：本報記者盧漢傑費城直擊