華燈初上，旺角砵蘭街五光十色的色情招牌映襯出這城市墮落的一面；各架步是否旺場，就得看旗下北姑的質素了。然而經濟不景下，尋芳客袋中銀根短絀，少不免三思而行。馬檻、馬伕惟有逆境中求變，陪着年輕貌美、衣着性感的北姑，不停穿梭各架步之間，使出一招「勾腳」神功，務求激發街上那些失魂落魄尋芳客的原始動力。
內地早前取消來港旅遊限額，北姑參加旅行團來港賣淫賺錢有增加趨勢，亦令到旺角北姑的貨源不絕。砵蘭街的人肉市場不但大賤賣，還要附送眾多的特別服務，價錢比十年前還要便宜一百元，通價三百四十元。試想，豬肉售價在十年間倍升，但「人肉」竟是愈賣愈廉宜，真不禁令人慨歎。
在砵蘭街做了十二年馬伕的偉哥，見盡風月場所的光怪陸離。他說：「冇客人，要諗計！你見到晚晚成棚企喺豉油街同砵蘭街十字路口睇女嘅麻甩佬，我哋咪當佢哋喺度睇辦囉！我哋扮有客人到，帶啲女周圍行，希望佢哋睇到噴血，跟住就上嚟架步，行內人叫呢招做勾腳。勾腳都幾煞食，高班女每晚勾十個八個冇問題，只係對腳行得辛苦啲！」
講到收入及拆帳，偉哥不住搖頭歎息指大不如前：「𠵱家北姑減到三百四十蚊骨鐘，馬檻拆九十，老闆拆九十，馬伕先得六十，剩低一百係北姑，真係減到無可再減」。
雖然馬伕大歎生意難做，但砵蘭街入夜後依然興旺，整條街單是掛招牌及燈箱的架步就有三百五十間，保守估計每間每晚有二十個鐘（每個鐘等於一個客）生意，換言之砵蘭街每晚有近七千名客人，消費額達二百三十八萬，一個月達七千幾萬元。難怪馬伕與妓女落力勾腳，只為在市道不景下仍可多掙點錢。偉哥說：「你手頭上啲女，夠索夠放，咪搵到錢囉！北姑想搵快錢返鄉下起大屋，梗係唔怕辛苦，日做夜又做啦！為咗保證凌晨三點至五點都有生意，一啲高質素嘅跑鐘都會留喺呢段時間先出嚟，所以識途老馬都會嚟幫襯。」
講到砵蘭街跑鐘女，偉哥稱：「行家最津津樂道嘅係七年前一個由新加坡過埠嘅坡妹，佢每晚最少都有二十五、六個鐘，最高紀錄係三十六個鐘。一個鐘當半小時計，一日都要做十八個小時，真係食飯都要接客。帶佢嗰個馬伕，直情當佢女咁錫。冇嘢嘅，一日幫佢搵成幾千蚊喎！𠵱家北姑一般都只係做到二十個鐘，如果細鐘女（持十四日的旅遊證），可能做到二十五、六個鐘，期滿走人時，都袋三萬至四萬蚊，雖然辛苦，但總比喺鄉下捱窮好！」
他補充：「如果大鐘（持三個月探親證），三個月做一千五百個客，就有十零萬落袋，但辛苦完三個月，返鄉下可以起大屋噃，有冇着數，自己諗諗。」
然而操皮肉生涯在砵蘭街跑鐘，並非個個吃得消，許多北姑跑了兩三日都說在香港的妓女生涯實在慘無人道，有人接五十個客賺夠證件費用後即返內地，甚至有人玩失蹤。
術語 表達意思
出 閘：交易完畢
入 閘：指妓女去到馬檻並入房
彈 閘：指妓女入房後，不願接客退出房間
勾 腳：指嫖客在街上被妓女吸引而跟隨對方上馬檻
衝 閘：懷疑嫖客是警方放蛇人員，但仍接客博一博
自動波：熟悉各架步的妓女，毋須人帶領
高 鐘：專跑酒店的高價妓女
撞 崩：旗下的妓女被警方拘捕
街 鐘：嫖客與妓女交易的時間，一般為三十分鐘
骨 鐘：妓女提供性服務兼按摩，時間約為四十五分鐘