年近半百，性格樂觀的文叔，一直對生活沒有甚麼奢求，心底裏只盼望可一嘗飯香。「我做人真係冇乜奢求，只希望可以正正經經食餐飯，唔使將啲食物搞到好似糊仔咁，霉霉爛爛，我已經好滿足。」孑然一身的文叔說。
因先天性琺瑯質薄弱，加上年輕時不懂得保護牙齒，導致文叔晚年飽受牙患困擾，迄今口腔內只脫剩兩顆牙。「𠵱家嗰兩隻牙都開始蛀，遲早甩埋，到時真係名副其實嘅冇牙公。」文叔苦笑道。
由於難以咀嚼食物，文叔平日僅能進食稀爛的飯餸，苦無生趣。他慨歎：「老實講，將啲飯餸煮到溶溶爛爛，就梗係唔好食啦，但唔係咁，我又食到胃都痛。」事實上，文叔現時經常飽受胃病折騰，要定期服食胃藥。
雖然文叔一直盼望鑲嵌一副假牙可以「食餐安樂茶飯」，可是自從數年前工傷失業後，他便依靠綜援金維生，委實沒有經濟能力。「社署話我唔夠六十五歲，所以冇鑲牙津貼；不過，我問過牙科診所，佢哋話至少都要五、六千元先有得搞，咁大筆錢，我真係負擔唔起。」文叔惟盼善長伸出同情之手，達成他的心願。
捐款編號：C0460
暖流熱線
電話:29908688
傳真:23702192
電郵:
網址：