經濟不景，新春時節最緊要行大運，唔知係咪知道人同此心，所以馬會今年特別多搞作，唔單止首次喺維園年宵開攤檔，畀市民同啲馬仔影相留念之外，重到處擺滿馬會嘅宣傳。
前幾日八方得閒行過跑馬地馬會大樓，就見到門口跑馬銅像前面掛起咗一大幅超大海報，上書兩句賀詞：「駿馬飛騰財廣聚，豐年共慶善同施。」海報右邊嘅馬頭印齊數十間曾受惠於馬會慈善機構嘅標誌，認真有意思。
馬會今年特別擴大宣傳，唔知係咪因為澳門賭牌爭奪戰塵埃落定而備受壓力，老實講，澳門發咗三個賭牌，美國勢力大舉入侵濠江，以後澳門賭業肯定會有一番新作為，如果香港地嘅賭業冇乜新花樣，嚟嚟去去都得嗰幾味，好多香港人都可能會被吸引「過大海」玩，馬會唔落多幾錢肉緊點得呀？
E-mail：