劉坤銘太太羅霖重返娛樂圈，八年來首次在港度歲，準備工夫自然少不了。羅霖日前到鄧鏡波外孫女經營的高級雜貨店「有食緣」掃年貨，順道向老闆娘請教挑選海味、雜貨的心得。
羅霖近幾年在新加坡生活，今年則與丈夫劉坤銘將基地搬回香港，熱熱鬧鬧過新年。八年來首次回港度歲，羅霖要忙着辦年貨、置新裝等大小瑣事，忙得不可開交。
早前羅霖百忙中抽時間，到鄧鏡波外孫女黃
羅霖邊看邊數，心水清地說：「年糕、蘿蔔糕喺老公酒樓（潮州城）準備咗，通常冬菇、江瑤柱屋企長期有，或者再買啲海味。最緊要買番啲全盒嘅瓜子同健康嘅糖果，重有要買水仙花、桔之類裝飾屋企。」
每年過節羅霖都會為兩個兒子買全新的中式馬褂，自己則可有可無，她說：「過年都係細路仔開心啲，我哋拍劇成日都有新衫着，反而過年一定買對新鞋。」
對比新加坡，香港過年可會更熱鬧？羅霖說：「新加坡新年氣氛好濃厚，佢哋思想幾傳統，好重視節日，又鍾意熱鬧，過新年時，家家戶戶都會裝飾得好靚，女人就會着旗袍、長衫出街，我都入鄉隨俗，幾有氣氛㗎！最好玩就係新加坡新年三十幾度，熱辣辣。
重有，當地人流行一個特別習俗，就係拜年時會帶兩個大柑，拜完年人哋又回禮兩個大柑，代表永遠都有金。不過咁，我覺得喺邊度過年都冇所謂，一家人一齊開開心心就得喇！」
羅霖指因新年要開工拍四十集長劇，故只得三天假期，要好好珍惜。她表示初一到老爺、奶奶家拜年，初二到好友家開派對，初三舉家往澳門玩。至於新年願望，羅霖說：「八個字：身體健康，心想事成！」
高級雜貨店「有食緣」老闆娘黃 黃 羅霖服裝：裕華國貨
化妝：SoniaChanofHairCorner
髮型：KelvinKooofHair
場地提供：有食緣