王敏德和馬詩慧的三名子女，王曼喜（Kayla）、王麗嘉（Irisa）和王躍穎（Kadin）雖偶有爭吵，但小朋友之間沒有隔夜仇，十分相親相愛。
兩夫婦自幼對子女都採取自由開放的管教態度，所以每當遇到甚麼問題，他們都一定會跟父母商量。
長女Kayla說：「爹哋同媽咪對我哋一視同仁，三個都咁錫，冇偏心，我係大家姐，有時會讓吓細佬同細妹，見到佢哋爭嘢玩，我會幫手叫佢哋唔好嗌交。」
談到新年願望，Kayla衝口而出說：「我希望爹哋同媽咪可以賺好多好多錢。雖然佢哋平時都唔會畀零用錢我哋，但如果爹哋同媽咪有多啲錢，咁可以儲起佢，留番將來我哋讀書用。」
Kayla與Irisa兩姊妹雖然感情要好，但偶然亦會吵架，主要是為了爭玩具，Kayla說：「呢啲情況通常係媽咪同我哋調停。」
Irisa身為家中老二，卻原來是三姊弟中最惡的一個。她說：「我真係最惡嗰個，我最鍾意就係搣家姐塊面，佢肥嘟嘟好可愛。我覺得爹哋同媽咪好恩愛，佢哋好好，乜嘢都同我哋講，又錫我哋，我覺得自己好幸福。」
未知是否Irisa年紀比較小，她的新年願望紿終是希望父母可以買很多禮物給她。
吃團年飯當晚，王敏德特別要太太馬詩慧為三名子女穿上中國式棉襖，希望營造出新年氣氛。有子萬事足的王敏德，更趁空檔時帶兒子躍穎到酒家門外踢足球，小朋友竟也腳法不俗，王敏德得意洋洋地說：「係咪好勁呢？呢啲全部係我教佢嘅，我重開始教佢打golf，都打得唔錯。」
撰文：比華利 攝影：林德雄、黃文成 場地提供：金紫荊粵菜