前晚鍾鎮濤、鄭佩佩和陳煒等藝人均有出席《天下無雙》首映，事後他們都大讚好睇，特別是片中演員的歌唱表現非常好。
鍾鎮濤說：「我係嚟捧偉仔（梁朝偉）場，我自己係唱家班，好欣賞入面啲歌，尤其係梁朝偉，愈嚟愈有進步。」鍾鎮濤更將電影評為A級。
鄭佩佩說：「套戲好好笑，新年一定要睇，入面好多歌聽，我估唔到原來梁朝偉都唱得咁好，另外朱茵雖然好少戲分，但好搶鏡突出。」
陳煒說：「我估唔到偉仔肯化一個咁肉酸嘅爛面裝，而且入面唱歌部分真係好出色，直情可以當歌舞片嚟睇，如果有時間，相信我會睇多一次。」