經濟放緩，加上市道不景，最常聽到的便是裁員、減薪或取消花紅等壞消息。不過亦有公司例外，好似李超人隻Tom仔，喺7號嗰日就公布向部分員工派送認股權，以表揚他們的工作成績。據悉有六十位員工有得分，合共瓜分6400萬份認股權，可於未來十年以每股3.76元認購公司股份，若全部行使佔現有已發行股本約2%，睇嚟公司出手亦不算寒酸，行政總裁王兟等數名高層當然屬該六十人內。
派認股權，大老闆其實冇損失，但可激勵員工做好公司令股價上升；以昨日Tom仔收市3.65元計，呢批認股權冇乜價值，但只要股價升到4.76元，咁呢六十人，就合共有六千四萬落袋，平均一個107萬元。
E-mail：