上個星期三大陸嘅富貴表叔來港，帶大食Jack去大道中Joyce，連表叔都知嗰度好多明星出入，咁啱地庫見班皮草黨，講嘢十分大聲，但店員並冇詐型，相信呢批係熟客，表叔睇真啲原來係拉姑同關菊英，仍然明豔動人非常煞食。轉頭上番女裝部，咁啱得咁蹺就見到阿菲，正在試大批衫，包括山本耀司嘅長裙，表叔話呢個設計師外表似我哋香港畫家阿蟲，啲衫碰啱季尾減價表叔就話好抵，買番去畀二奶一流。
表叔識嘅確多過我哋港人，佢問大食Jack：阿菲係咪陪未來奶奶（指拉姑）嚟睇衫？可能表叔財大氣粗，講嘢大聲咗少少，唔知係咪被阿菲聽到，阿菲突然不發一響放低手上試緊嘅衫離去，步伐好急，連Sales都唔知發生咩事，即刻圍埋討論。
最後，阿菲有冇返轉頭試埋批衫就唔知，但表叔話拉姑仍每日都去Joyce一轉起碼，最正啲衫都大部分被佢掃清，阿菲都唔夠佢快手。真係估唔到表叔重知嘢多過我哋。
主持人：大食Jack
八卦熱報：