名模Rosemary和歐陽妙芝前晚在灣仔ClubIng出席NuGen護膚品活動，Rosemary否認早前被指與男友Gordan在銅鑼灣出入時鐘酒店。
平時Rosemary做訪問都會由身邊的母親代答，但前晚其母卻任由Rosemary自由作答，她說：「嗰段報道唔係事實，我嗰日其實係去運動舖買嘢，但逗留唔夠三分鐘，都睇唔啱嘢，結果我哋咪離開囉，我對呢個報道好失望，我嗰日都見到個記者喺樓下等我哋，佢應該知嗰啲唔係事實，但佢都咁寫。」
Rosemary表示幸得家人的支持。Rosemary說：「我好幸運，媽咪除咗支持我，重好信任我。我同Gordan來往，家人都好信任，冇畀壓力我。」Rosemary表示本月將會去美國進修，但未知能否與男友共度情人節，她說：「我重未知可唔可以同Gordan過，我亦預計唔到將來，但我𠵱家一定會以事業為先。」
採訪：陳梅香 攝影：陳偉權