大型網上角色扮演遊戲（MMORPG），經過四年多的發展，終於步入次世代階段。所謂次世代MMORPG，先決條件是比現今更龐大的世界，能容納更大量的人口、以及更細緻逼真的互動空間。能符合上述條件兼有信心保證嘅遊戲，現階段只得一隻，就係《UniversalCenturyGUNDAMONLINE》！
文：李淮
《UniversalCenturyGUNDAMONLINE》的時代背景將由高達的「一年戰爭」開始，由玩家親身參與聯邦鬥自護嘅史詩式故事。初步估計遊戲歷程將會推展至《ZGundam》時代，其間會加入原著中記載的經典戰役和事件，亦會在遊戲中出現著名的人物（以電腦角色身分登場）。
至於遊戲玩法，則標榜自由度高同虛擬生活夠寫實，玩家可以選擇做個機動戰士駕駛員，又或者簡單啲做個廚師。不過生喺戰亂時代，就算普通人都難免捲入戰爭漩渦。
UniversalCenturyGUNDAMONLINE
發行：BANDAI
開發：Sammy
預定發售日期：2002年夏季
現時絕大部分MMORPG，每個伺服器最多只能支援數千人進行遊戲，而《UCGO》則以同時能容納16萬人這個破天荒數字，震驚整個業界。咁都未算，遊戲中嘅世界更加係有史以來最龐大，若按真實比例，以地球作中心的整個宇宙空間，直徑已高達100萬公里！而內裏則建造有好多殖民衞星、月球基地及破落的衞星等，真係同高達原著嘅戰事空間完全一樣！
《UCGO》主打虛擬生活，玩家置業安居呢瓣自然走唔甩，加上遊戲嘅世界觀咁宏偉，相信將可徹底解決一般MMORPG（如UltimaOnline）的居住問題，唔使擔心有錢冇地方起屋或商店。不過咪咁快開心住，因為開發人員講到明，玩家搭建的房屋隨時會因為戰爭而被摧毀，尤其對於想住喺地球嘅聯邦市民，就更加要求神拜佛馬沙唔好玩嘢……！
《UCGO》今次創新地加入了生理變化功能！玩家除了可以挑選角色的面部輪廓、膚色、髮型、身高及體形等基本選項之外（連五官造型都有獨立選項），遊戲中嘅角色，每經過一段時間更會出現如同真人般的生理變化，暫時知道會有頭髮變長一類變化，真係非常嚇人。