很多人都慨歎，自從香港有了菲傭，我們便沒有了中環。每到假期，皇后像廣場、遮打公園及德輔道中一帶，到處碰見菲律賓人，聽到菲律賓話，香港人到了那裏，簡直就變了遊客。菲傭在假日，其實是中環最大顧客，不少行業均靠她們得以繼續生存，其中典當業便是一個最佳例子，其餘飲食業、電訊業及零售業，都得靠她們帶旺假日生意。
記者：朱文俊 攝影：關文慧、林栢鈞
押店，俗語「當舖」，曾經一度是香港市民財務週轉好幫手，時至今日，當信用卡可以隨時透支十萬八萬，當舖生意明顯滑落。據一位經營兩代，開設當舖超過四十年，不願出鏡的業內人士指出，現今經營當押生意，困難重重。他表示：「𠵱家冇人當嘢，近十年香港多咗好多財務公司，銀行借錢又比以前容易，唔使擔保抵押，都隨時借十零萬走，又加上信用卡透支方便，唔使好似當嘢咁，拎嚟拎去咁麻煩。𠵱家除環頭環尾啲老人家，讀緊書學生哥，因為冇入息證明會幫襯外，冇乜人會搵當舖借錢。」言下不無欷歔。
既然當押行業情況如此嚴峻，位於出名貴租的中環地段，當舖理應絕迹才是，但在假日，位於德輔道中，一座單幢式四層高的當押店，卻客似雲來，最旺的時段，典當人士甚至需要企出舖外排隊，情況「墟冚」。
該店的斜對面，近香港站出口，兩個月前亦開了一間新的押店，大大個招牌掛在路旁，看來押店生意在中環可是一枝獨秀。但奇怪是光顧的客人，清一色是菲律賓人，而且差不多都是女人。
向兩間押店查詢，老店員工坦言：「近幾年的確多咗唔少菲律賓人嚟嘢，生意都穩定咗，通常假期生意比平時好幾成。」但據記者所見，該店平日生意，不及假期的一半。
而新開的押店，情況比另一間老店生意較差，該舖老闆表示：「開呢間舖，係因為見到對面嗰間（當舖）掂，𠵱家生意係差啲，但守落去應該有得做。咁多客，佢哋做唔晒嘅！客路方面主要都係菲傭，香港人好少喺中環當嘢。」
根據典當業行內人士稱，這麼多菲傭去押店典當，是因為菲傭在香港借錢，無論是銀行或財務公司，一般都需要顧主擔保，所以借錢較為困難，典當便變成最快借錢途徑。他續說：「好多菲傭當嘅嘢，都用假護照登記，大部分都唔會贖返，所以當舖出價較低。但我哋好難話佢哋當嘅貨物係偷返嚟，或者用假護照，因為好難證明，加上𠵱家生意難做，如果連呢啲客都唔做，惟有聽執。」
位於地鐵站出口旁的化妝品店莎莎，每逢假日都在門外擺設櫃位，派一名員工專門負責招呼菲傭。該店員表示：「為咗要搞掂菲傭，惟有學幾句菲律賓話，例如：靚女、啲貨好平呀咁啦！佢哋好鍾意講價，一盒日本名牌粉底，280蚊，減到68蚊都重話貴，最後要20蚊成交，重要問你要Gift（禮物）。一個有Gift，個個又要，總之就好難招呼。不過，剩番落嚟啲粉底，通常好深色，唔係佢哋要，都好難賣得出，惟有當係清貨。市道咁差，咪當幫補一下。假期幫襯嘅差唔多都係菲傭，所以我哋都叫呢條街做菲律賓街。」
採訪期間，一名菲籍傭工表示，假日花費最大開銷之一，便是打長途電話。其中一間電訊服務公司，亦覷中這個市場，單在假日所用兼職推廣長途電話服務員，便超過10個；更特設一個開卡櫃位，方便菲傭即時開卡。不少兼職推廣員，更由菲律賓人擔任。一招以夷制夷，似乎頗有功效，只見站在高處賣卡員工，不停收錢。他表示：「生意梗係比平時多好多，淨係做菲律賓客都做唔切。香港人多數有IDD，好少會買長途電話卡。」
近利源西街嘅Giordano，每逢假日變身成特賣場，貨品低至$10起，吸引大批菲傭幫襯，擠得水洩不通。該舖一店員不肯正面回應，只回答假期生意好好：「假期多菲律賓客幫襯，但一般消費力較低，我哋會將賣唔去嘅貨，減價賣出去，幫公司賺番啲錢。」
每逢周末或假期的晚上，中環一帶市面在菲傭玩樂過後，大量垃圾堆積在路邊，受政府承包的清潔工人便會開始工作，其中一名工人表示：「因為今日落雨，所以都唔算好污糟，平日重犀利，做幾個鐘都做唔完，不過點都好過冇得做，有佢哋（菲傭）我先多啲嘢做！」