【本報訊】對民主黨主席李柱銘前日批評特首董建華，回歸後把香港變成「李家之城」，董建華昨出席立法會答問大會時，嚴詞作出反駁，指李柱銘「唱衰」香港，只懂批評而不提出建設性建議，要求大家放下成見。董建華又承認自己四面受人批評，但這只證明自己處事正確。
不過，李柱銘則認為持有成見的是董建華，更有民主黨成員承認董建華昨日的言論，令雙方已現裂痕的關係更形惡劣。職工盟秘書長李卓人又批評，董的表現是「撩交嗌」：「雖然叫人放下成見，但佢嘅語氣同內容都係充滿成見。」
董建華昨主動回應李柱銘的批評說：「李議員，你只有批評而冇攞出辦法，只得一個彈字，都唔係辦法。如果咁樣唱衰香港，對大家都冇好處。」
他強調自己會聆聽支持和反對聲音，並要求民主黨放下成見，作出有建設性的對話。
他又否認自己忽視民主發展，但政府必須有工作重點：「𠵱家巿民關心嘅係乜嘢？就業、就業、就業！經濟、經濟、經濟！呢啲就係我哋嘅工作重點。」
民主黨另一名議員楊森則批評，董建華對民主黨的成見相當大，即使特首的門經常打開，但只是向着工商界，向民主黨則深深緊扣。
一觸及工商界的問題，董建華的反應更大，頻說感到莫名其妙，因為有不少商界朋友質疑他自當選特首後，商界的資產不見二千億、幾千億。他說：「我四面受到人哋嘅批評，我知道呢件事係做啱咗，受到四面批評表示你走嘅路係啱嘅。」不過，張文光隨即反駁指四面批評並不一定等於正確，有時可能因做錯而導致四面楚歌。
此外，法律界議員吳靄儀和獨立議員余若薇均質疑董建華，把律政司司長一職納入高官問責制，將影響司法獨立；但董建華只多次強調有關做法沒有壞處。