新年賀年食品離唔開糖果、餅乾、朱古力、瓜子等等，唔想咁悶年年都係食同樣嘢，介紹大家試試今年至見到嘅合桃，其果殼紅噹噹，認真應節，為配合新年喺呢段期間至搵到，送禮夠新鮮感，自食又可以，比起食得多糖果，食合桃更為有益健康，放佢喺全盒內又有意頭。呢啲紅噹噹合桃自美國，食落既香又脆，作為小食都相當不俗。
記者：陳冰麗
新年必不可少湯圓，除了用糖水煮，好多人都會喜歡食糖不甩，但要自己弄那碎花生糖粉都幾麻煩。其實大家可以到超市買定這款利川出品的糖不甩，除了急凍湯圓，袋內附有芝麻、花生及糖粉，把湯圓瀝乾後，便可直接撒上糖粉食用。
記者：謝翠玲
新年好多家庭都會煮鮑魚，但乾鮑較貴，其實買急凍鮑會更易處理，而且更抵。大家一向都對黑邊鮑較抗拒。但其實黑邊鮑的裙邊之所以深色，是因為身處的水域所影響，而不是污迹，大家可以放心。有人食過黑邊鮑，會覺得黑邊鮑比青邊鮑更鮮甜，因為無經洗水，更保留味道。
記者：謝翠玲